AYON kay Presidential Communications Office Undersecretary Claire Castro, pansamantalang nanatili sa ilalim ng medical observation si Pangulong Ferdinand “Bongbong” Marcos Jr. bilang pag-iingat matapos makaranas ng hindi magandang pakiramdam.

Ipinaliwanag ni Castro na iminungkahi ng mga doktor ang pahinga at masusing pagbabantay sa kalagayan ng Pangulo, na nananatiling maayos at stable. Sa kabila nito, nagawa pa rin ni Pangulong Marcos na ipagpatuloy ang pagtupad sa kanyang mga tungkulin at kalaunan ay nakabalik na sa Malacañang.

“His doctors advised rest and monitoring, and his condition remains stable,” wika ni Castro.