BABABA ng P2.90 kada litro sa presyo ng diesel at P3.20 sa kerosene pero tataas ng 20 sentimos kada litro sa gasolina epektibo alas-6:01 ng umaga sa Martes.

Sa abiso ng Petron Corporation, Pilipinas Shell at Chevron Philippines, ganito ang price adjustments sa kanilang mga produkto.

Ganito rin ang dagdag-bawas sa presyo ng diesel at gasolina ng PTT Philippines, Petro Gazz, Unioil, Phoenix Petroleum at Total Philippines simula alas-6:01 ng umaga habang alas-8:01 ng umaga ang Clean Fuel.

Nauna ng inanunsiyo ng Department of Energy Oil Industry Management Bureau (DOE-OIMB) ang malakihang rollback sa diesel at kerosina habang barya lamang sa gasolina.