KAMPO PBGEN VICENTE LIM–Binigyang-diin ng acting chief ng Philippine National Police na si P/Lt. Gen Jose Melencio Nartatez Jr. ang mandato ng organisasyon na ipatupad ang batas, pigilan at kontrolin ang krimen sa kanyang pagbisita ng headquarters ng Police Regional Office 4A kamakailan.

Binigyang-diin niya ang mga operasyon ng pagpapatrolya ng pulisya at imbestigasyon bilang pangunahing haligi ng epektibong pagpapatrolya, na naaayon sa agenda at gabay ng PNP na “Bagong PNP para sa Bagong Pilipinas: Serbisyong Mabilis, Tapat at Nararamdaman.”