NAKATAAS ang red tide alert o Paralytic Shellfish Poison (PSP) sa apat na probinsya.

Ayon sa Bureau of Fisheries and Aquatic Resources (BFAR) positibo sa PSP ang coastal waters ng Dauis at Tagbilaran sa Bohol; Matarinao Bay sa Eastern Samar; Dumanquillas Bay sa Zamboanga del Sur; at Lianga Bay sa Surigao del Sur.

Nagbabala ang BFAR sa publiko laban sa pagkain ng mga shellfish sa lugar.

Maaari namang kainin ang isda na mahuhuli sa mga nabanggit na lugar basta lilinisin at lulutuing mabuti ang mga ito.