NAKATAAS ang red tide alert sa limang probinsya, ayon sa inilabas na datos ng Bureau of Fisheries and Aquatic Resources (BFAR).

Mayroon pa rin umanong mataas na lebel ng Paralytic Shellfish Poison (PSP) o toxic red tide ang coastal waters ng Dauis at Tagbilaran City sa Bohol; Matarinao Bay sa Eastern Samar; Dumanquillas Bay sa Zamboanga del Sur; at Lianga Bay sa Surigao del Sur.

Naidagdag naman sa listahan ang coastal waters ng Roxas City, Panay, at Pilar sa Capiz.

Nagbabala ang BFAR laban sa pagkain ng mga shellfish sa mga nabanggit na lugar.