NAARESTO ng mga pulis noong Linggo ang pinaghihinalaang sangkot sa pagbebenta ng ilegal na droga matapos mahulihan ng 50 gramo ng shabu na nagkakahalaga ng P340,000 sa Purok Ilog Pugad, Brgy. San Juan, Taytay, Rizal.

Nagsagawa ng operasyon dakong alas-4:05 ng umaga ang Provincial Drug Enforcement Unit na nagresulta sa pagkakaaresto kay alyas Dadi Pits.

Nakumpiska mula sa suspek ang 50 gramo ng shabu na nagkakahalaga ng P340,000, isang coin purse, isang Yamaha Mio at buy-bust money.