HINDI maawat ang San Juan Knights.

Sumandal ang San Juan sa mainit na mga

kamay nina Dexter Maiquez at Orlan Wamar upang payukuin ang Davao Occidental Tigers, 95-79, at masungkit ang unang pwesto sa Manny Pacquiao presents 1xBet-MPBL 2025 Season sa Ynares Center sa Montalban, Rizal.

Nagsanib pwersa sina Maiquez at Wamar upang tiyakin ang kanilang wire-to-wire victory, na nagbigay sa San Juan ng frontrunning record na 21-1 sa round-robin elimination phase ng 30-team, two-division tournament.

Nakalalamang na ngayon ang San Juan sa kapwa playoff qualifiers Nueva Ecija at Abra, na parehong may 20-1 slates.

Nagtala si Maiquez ng 14 points, 10 sa fourth quarter, at 10 rebounds; habang nagdagdag si Wamar ng 12 points, 9 sa fourth period, 8 assists at 3 rebounds para kay San Juan coach Alex Angeles, na pinaglaro ang lahat ng kanyang 15 players sa team.

Nakaruwang nila sina Ron Dennison, na may 11 points at 2 rebounds; at Aldrech Ramos at Nikko Panganiban, na kapwa may tig 8 points.

Bumagsak ang Tigers sa 8-13 record sa kabila ng 24-point, 5-rebound effort ni homegrown star Jansher Salubre at 21-point, 6-assist, 3-steal, 3-rebound output ni Reymart Escobido.

Samantala, pinadapa ng Rizal Xentromall ang Ilagan Isabela, 71-63.

Nagposte ang Golden Coolers ng 54-41 kalamangan sa tulong nina Alwyn Alday, Michael Canete at Samboy De Leon upang umangat sa 14-7.

Nanguna si Alday, na napili ding “Best Player of the Game”, sa kanyang 16 points at 3 rebounds.

Dadayo ang MPBL sa Lucena City Convention Center ngayong weekend, na kung saan maglalaro ang Valenzuela laban sa Caloocan simula 4 p.m., Pampanga at Abra sa 6 p.m., at host Quezon

Province at Basilan sa 8 p.m.