PATAY ang isang college student na babae sa comfort room ng College of Arts and Sciences Building ng Laguna State Polytechnic University building na nasunog noong Huwebes sa Brgy. Bubukal, Sta Cruz, Laguna.

Hindi pa alam ang pangalan ng biktima na halos sunog ang buong katawan ng matagpuan sa loob ng comfort ng building.

Ayon sa Bureau of Fire Protection ng Sta. Cruz, Laguna, sumiklab na sunog bandang alas-12:50 ng tanghali.

Idineklarang fire out ang sunog dakong alas-3:09 ng hapon at nataguan na ang sunog na katawan ng biktima sa ikalawang palapag sa loob ng comfort room.