PINAHINTULUAN ng bagong upong Senate President Vicente “Tito” Sotto III na makadalo si Brice Hernandez, dating assistant district engineer ng Department of Public Works and Highways sa Bulacan, sa pagdinig ng Mababang Kapulungan nitong Martes, Setyembre 9, 2025.

Nauna nang idineklara ng Senate Blue Ribbon Committee na in contempt si Hernandez sa pagdinig hinggil sa mga flood-control project.

Ayon kay Sotto, nananatili ang contempt order ngunit pinagbigyan ng Senado ang kahilingan ng Kamara bilang paggalang sa inter-parliamentary courtesy.

Ipinahayag din niya na nakaayos na ang seguridad ni Hernandez sa pakikipag-ugnayan ng Senate Sergeant-at-Arms at ng katapat na tanggapan sa Kamara.

Gayunman nilinaw ni Senate President na kailangan agad bumalik si Hernandez sa Senado matapos ang kanyang pagdalo sa pagdinig ng Mababang Kapulungan.