SINALUBONG na punong-puno ng kagalakan ni House Speaker Faustino “Bojie” G. Dy III ang two-time Olympic gold medalist na si Carlos Yulo sa pamamagitan ng courtesy call nito sa tanggapan ng Speaker nitong nakalipas na Miyerkules, Agosto 12, 2026.

Magugunitang nagtala ng kasaysayan si Yulo sa 2024 Paris Olympics matapos niyang masungkit ang gintong medalya sa men’s artistic gymnastics floor exercise at vault.

Noong nakaraang Hunyo 2026, muling nagdagdag ng gintong medalya ang 26-anyos na gymnast (Yulo) matapos magkampeon sa floor exercise sa 2026 Asian Men’s Artistic Gymnastics Championships.

Kasama ni Yulo sa courtesy call sina House Committee on Youth and Sports Development Chairperson at Isabela 5th District Rep. Faustino Michael Carlos “Mike” T. Dy III at Philippine Sports Commission Chairperson Patrick “Pato” C. Gregorio.

Pinatutunayan ng mga tagumpay ni Yulo sa international competitions ang patuloy na husay ng mga atletang Pilipino at nagbibigay-inspirasyon sa mga kabataang nangangarap na magtagumpay sa larangan ng palakasan.