NAKIPAG-pulong ang hepe ng Rizal police noong Lunes sa mga personnel ng Provincial Disaster Risk and Reduction Management Council (PDRRMC) at inirekomenda ang pag-alis ng deklarasyon ng state of calamity sa buong lalawigan dahil sa hagupit ng bagyong Enteng.

Pumayag din si PCol. Felipe Maraggun sa Resolution No. 02 na naglalayong bumuo ng Operation Center (OpCen) Standard Operating Procedures and Guidelines (SOPG) pati na sa mga procedures ng Early Warning System (EWS).

Layunin ng pagpayag ng hepe ang ma-monitor ng mas maayos ang mga kalamidad at maiwasan ang malalang resulta nito sa mamamayan.

Sa tulong nito, magkaroon ng komprehensibong paghahanda ang lahat ng ahensya kung sakaling magkaroon ng iba’t-ibang sakuna sa Rizal.