Calendar
Bicol Saro Party-list Rep. Terry Ridon
Substandard Bulacan projects na ininspeksyon ni PBBM galing sa NEP — Rep. Ridon
NASA National Expenditure Program (NEP) para sa 2022 at 2023 na ipinasa ng Executive department sa Kongreso ang dalawang substandard flood control projects sa Bulacan na ininspeksyon ni Pangulong Ferdinand “Bongbong” Marcos Jr. kamakailan.
Ayon kay House committee on public accounts chairman Terry Ridon ng Bicol Saro party-list, ang P96.4-milyong Rehabilitation of River Protection Structure sa Bulusan, Calumpit, Bulacan ay nasa 2022 NEP.
Ito ay ipinatupad ng Department of Public Works and Highways (DPWH) First District Engineering Office at ang kontraktor nito ay ang St. Timothy Construction Corporation.
Ang 2022 NEP ay ginawa ng administrasyong Duterte.
Ang P77.19-milyong Construction of Flood Mitigation Structures sa Barangay Frances, Calumpit, Bulacan ay ipinatupad din ng DPWH First District Engineering Office.
Ang Wawao Builders ay nakalagay naman sa 2023 NEP at 2023 General Appropriations Act (GAA).
Ang dalawang proyekto ay sinasabing substandard.
Ang NEP ay ginagawa ng administrasyon at ipinapasa sa Kongreso at kapag inaprubahan nito ay nagiging General Appropriations Bill (GAB). Kapag niratipika ng dalawang kapulungan ang GAB ito ay nagiging GAA kapag nilagdaan ng Pangulo.
