NAGSILBING morale booster ni vice presidential candidate Sara Duterte ang mainit na suporta na ibinigay ng mga Kapampangan sa kanya.

Nang tumayo si Duterte sa entablado sa UniTeam festival rally sa San Fernando City, Pampanga ay nagsigawan ang mga tao ng “Daog na! Daog na!” na ang kahulugan sa tagalog ay panalo ka na.

Tugon naman ni Duterte sa sigawan ng crowd: “Kapag sinabi na ng Kapampangan na panalo na ang Bisaya, malakas ang loob ko mananalo ako. Maraming salamat!”

Mayroon pang face paint na pula at berde si Duterte sa mukha ng tumayo sa entablado na nagbigay ng “palaban” vibe sa lugar.

Patuloy na nangunguna si Duterte sa mga survey.