NASAKOTE ng mga pulis noong Huwebes ang isang lalaki dahil sa apat na kaso ng rape sa Brgy. Sta. Maria, Sto. Tomas City, Batangas.

Ayon sa report, nahuli si alyas Rhommel ng mga warrant operatives ng Sto. Tomas police na nagsagawa ng manhunt bandang ala-1:30 ng hapon.

Nasakote ang suspek sa bisa ng warrant of arrest na inisyu ni Presiding Judge Jose Ricuerdo Flores ng Regional Trial Court Branch 6 ng Tanauan City, Batangas para sa 4 counts ng rape.

Walang inirekomendang piyansa para sa temporary liberty ng suspek.