SWAK sa malamig na selda ang isang suspek sa kasong panghahalay nang madakip ng mga pulis sa Brgy. Ang Sto. Domingo, Cainta, Rizal noong Lunes.

Pasado alas-1:00 ng hapon ng mahuli ng tracker team ng Cainta police si alyas Emmanuel, ayon sa report.

Ang suspek may kasong three counts ng statutory rape at nadakip sa bisa ng warrant of arrest na inisyu ni Presiding Judge Maria Ella Cecilia Dimaandal Dumlao-Escalante ng Regional Trial Court, Fourth Judicial Region, Branch 143, ng Cainta, Rizal.