KAMPO HENERAL Miguel Malvar, Batangas — Arestado ng mga pulis noong Miyerkules ang isang wanted na lalaki dahil sa kasong murder na naganap 26 na taon na ang nakalipas sa Tanauan City, Batangas.

Bandang alas-1:20 ng hapon nadakip ang suspek na si alyas Jaime, 54, ng Brgy. Ulango, Tanauan City sa bisa ng warrant of arrest mula sa Branch 83 ng Regional Trial Court ng Tanauan City.

Walang piyansang inilaan para sa pansamantalang kalayaan ng akusado.

Nangyari ang pagpatay na kinasangkutan ng suspek noong Nobyembre 1998 sa Brgy. Ulango.

“Binabati namin ang mga pagsisikap ng aming mga opisyal na ang dedikasyon sa katarungan nagdala sa pagkakahuli ng isang hinahanap na kriminal,” sabi ni Batangas police chief P/Col. Jacinto Malinao Jr.