KAMPO HENERAL MIGUEL MALVAR, Batangas–Nahuli noong Biyernes ng Batangas City Police Station (BCPS) ang lalaking suspek sa patung-patong na kasong panghahalay at acts of lasciviousness sa Brgy. Alangilan, Batangas City.

Inaresto ang akusado na si alyas Jojo, 33, sa bisa ng warrant of arrest na inisyu ni Presiding Judge Maria Socorro Godoy ng Regional Trial Court (RTC) Branch 1-Family Court ng Batangas City, Batangas para sa apat na bilang ng rape through sexual assault at dalawang bilang ng acts of lasciviousness.

Sinabi ni P/BGen. Paul Kenneth Lucas, regional director ng Police Regional Office (PRO)-4A, na: “Ang pag-aresto na ito nagpapadala ng mensahe na ang hustisya laging mananaig.”