SIMULA sa Hunyo 1 ay ipatutupad na ang pagtataas sa singil sa Subic Clark Tarlac Expressway (SCTEX).

Ayon sa toll operator na North Luzon Expressway (NLEX) Corporation inaprubahan ng Toll Regulatory Board (TRB) ang dagdag na P0.78 kada kilometro.

Batay sa bagong toll matrix, ang motorista na Class 1 ang sasakyan at bibiyahe mula Mabalacat City hanggang Tarlac ay sisingilin ng dagdag na P31.

Ang Class 2 vehicle ay may dagdag namang P61 at ang Class 3 vehicle ay P92.

Ang mga Class 1 na bibiyahe mula Mabalacat hanggang Topo, Hermosa, Bataan ay sisingilin naman ng dagdag na P49 kung Class 1, P98 kung Class 2 at P147 kung Class 3.