SUMALI sa joint tactical inspection at general assembly sa SM City Batangas ang mga miyembro ng Batangas Police Provincial Office (BPPO) sa pamumuno ni P/Col. Jacinto Malinao Jr., ang acting provincial director ng Batangas police.

Guest of honor at speaker ang hepe ng pulisya na kinatawan ni P/Lt. Col. Constancio B Malaluan Jr.

Itinampok sa event ang parada at pagbibigay ng certificate of commendation sa mga security personnel ng SM Mall at mga empleyado.

Ang suporta ng BPPO ay sumasalamin sa pangako ng Batangas police at SM City Malls na magtulungan sa paglikha ng ligtas na kapaligiran para sa mga mamimili, empleyado at mas malawak na komunidad sa Batangas.