NAGBANTA ang grupong Pagkakaisa ng mga Samahan ng Tsuper at Operator Nationwide (PISTON) na tuluyang ihinto ang pasada ng mga jeep sa buong bansa sa Huwebes, Setyembre 18, bilang protesta sa umano’y garapal na korapsyon ng mga opisyal at kontraktor na sumasawsaw sa buwis ng mga tsuper.

Ayon sa grupo, halos ₱12,000 kada buwan ang kinakaltas sa mga drayber para sa VAT at excise tax sa langis. Ngunit imbes na mapunta sa rehabilitasyon ng jeep at public transport, sinasabi nilang pinambibili pa ng luxury cars ng mga buwaya sa gobyerno at contractor.

“TAMA NA! SOBRA NA! SINGILAN NA!” giit ng PISTON.

Bukod sa nationwide tigil-pasada sa Setyembre 18, makikiisa rin ang grupo sa malaking kilos-protesta sa Luneta sa Setyembre 21.