JAEN, Nueva Ecija–Utas ang isang negosyante ng pagbabarilin ng riding-in-tandem (RIT) habang sakay ng kanyang sports utility vehicle (SUV) noong Sabado.

Ang biktima, na may-ari ng furniture shop, kinilalang si Jerry Flaminiano, 52, ng Brgy. Kapitan Pepe Subdivision, Cabanatuan City.

Sakay ng kanyang Ford Everest (CBX-6283) ang biktima ng tambangan ng mga armadong suspek sakay ng motorsiklo sa Brgy. Langla.

Matapos paulanan ng bala ang SUV, sabay sibat ang mga suspek papunta sa hindi malamang direksyon.

Tinamaan ang biktima sa iba’t-ibang bahagi ng katawan kaya nawalan ng kontrol sa manibela at lumihis pakanan ang SUV at bumangga sa poste.