ISANG nagtapos sa University of the Philippines Los Baños campus ang nanguna sa September 2023 Registered Electrical Engineers Licensure Examination, ayon sa Professional Regulation Commission (PRC).

Si Timothy Regienald Rongavilla Zepeda ay nakakuha ng 90.95 porsyentong rating.

Pumasa sa naturang pagsusulit ang 1,218 sa 3,945 na kumuha ng exam.

Pumangalawa naman si Prince Ian Francisco Cruz ng Technological University of the Philippines-Manila na nakapagtala ng 90.65 porsyento at sinundan ni Christian Degala Huenda ng Capiz State University-Main Campus na may 90.05 porsyentong puntos.

Samantala, 800 naman sa 1,490 na kumuha ng Registered Master Electricians Licensure Examination ang pumasa.