DEDO noong Biyernes ang tindero ng isda ng pagbabarilin ng hindi kilalang salarin sa Sitio Mailiw, Brgy. Tayuman, Lobo, Batangas.

May asawa at residente ng nabanggit na lugar ang biktimang si alyas Gabriel, 55, ayon sa report.

Ayon sa asawa ng biktima, habang natutulog ang biktima sa terrace ng kanilang bahay pinagbabaril ito ng suspek ng ilang beses na nagresulta sa kanyang kamatayan.

Tumakas ang suspek patungo sa hindi malamang direksyon bitbit ang baril na ginamit matapos ratratin ang biktima.

Dinala ang biktima sa Lobo Municipal Hospital ngunit idineklara itong dead-on-arrival ni Dr. Rolando Guerrero.