PATAY ang 63-anyos na vendor at sugatan ang misis nito ng barilin ng nakatakas na suspek sa Purok 2, Brgy. Dita, Sta. Rosa City, Laguna noong Martes.

Ang biktima, si Jose Cristobal Velandres Jr., idineklarang dead-on-arrival sa ospital bunsod ng malubhang tama ng bala sa katawan.

Sugatan naman ang maybahay niyang si Librada Mayano Velandres, 63.

Tumakas ang hindi nakilalang suspek na naka-helmet, camouflage jacket gamit ang motorsiklo.

Nasa tindahan ang mag asawa at naghahanda ng pagluluto ng biglang paputukan ang mga ito.

Matapos ang pamamaril tumakas sa hindi mabatid na lugar ang suspek.