WALANG Pilipino na namatay o nasaktan sa pag-crash ng tourist bus sa New York, ayon sa Department of Foreign Affairs (DFA) noong Linggo.

Ayon kay DFA spokesperson Angelica Escalona, mismong ang New York police ang nagkumpirma na nakilala na lahat ng biktima ng bus crash ng kanilang kamag-anak at wala ni isa mang Pilipino sa listahan.

“Most of the passengers brought to the hospitals were discharged. Those that sustained major injuries are expected to recover,” sabi ni Escalona.

Wala din umanong lumapit sa DFA Consulate office para humingi ng tulong tungkol sa kamag-anak na nadamay sa bus incident.

Lima ang namatay at 49 ang malubhang nasugatan nang tumagilid sa New York State Thruway malapit sa Pembroke ang nasabing tourist bus.