NAHARANG ng Bureau of Customs (BOC) ang tangka umanong pagpuslit ng mga gintong alahas na tumitimbang ng 24 kilo.

Itinago umano ito sa loob ng banyo ng eruplano ng Philippine Airlines na galing sa Hong Kong.

Dumating ang PR 301 noong Nobyembre 17 at ipinagbigay-alam ito ng mga crew ng eruplano sa otoridad sa Terminal 2 ng Ninoy Aquino International Airport (NAIA).

Nagsasagawa pa ng imbestigasyon ang otoridad upang matukoy kung sino ang nag-iwan ng mga ginto na tinatayang nagkakahalaga ng P80 milyon.