PATAY ang driver at tatlong pasahero nito nang sumalpok sa nakaparadang 10-wheeler truck ang sinasakyang van nitong Lunes ng umaga sa Basey, Samar.

Sugatan din sa insidente ang anim pang pasahero na lulan ng van.

Naganap ang aksidente dakong 6:45 ng umaga sa Sitio Sugpuron, Barangay Balud sa nasabing bayan.

Sa inisyal na ulat, nadala pa sa pagamutan ang driver at tatlong babaeng pasahero nito subalit hindi na sila umabot ng buhay.

Napag-alaman na galing ang van sa Borongan City, Eastern Samar patungo sa Tacloban City nang maganap ang aksidente.

Pagsapit sa nasabing lugar ay sinubukan ng van na mag-overtake subalit sumalpok ito sa nakaparadang truck.

Patuloy ang imbestigasyon sa aksidente.