KAMPO HENERAL MALVAR, Batangas — Naaresto ng mga tauhan ng Bauan police ang isang 75-anyos na electrician na suspek sa panghahalay sa Sitio Taño Road, Poblacion 1, Bauan, Batangas noong Enero 28.

Inaresto ang suspek bandang alas-12:00 ng tanghali batay sa warrant of arrest na inisyu ng Family Court, Branch 1, Batangas City para sa krimeng panggagahasa.

Walang inirekomendang piyansa kapalit ng pansamantalang paglaya ng suspek.

Nasa kustodiya ng Bauan police ang suspek habang hinihintay ang pagbabalik ng warrant of arrest sa korte na pinagmulan nito.