NAGLABAS ng kautusan si Sultan Kudarat Governor Datu Pax Ali Mangudadatu na itigil muna ang klase at trabaho sa buong lalawigan ngayong Miyerkules, partikular sa mga bayan ng Kalamansig, Lebak, at Palimbang, kasunod ng sunod-sunod na lindol na yumanig sa lugar.

Ayon sa ulat, nagsimula ang serye ng pagyanig bandang 10:47 ng gabi noong Martes, Enero 27, 2026, na naging dahilan upang magpatupad ang pamahalaang panlalawigan ng agarang hakbang para sa kaligtasan ng mga residente.

“The public is advised to remain alert, observe safety precautions, and monitor official announcements for updates,” saad ng Governor.