ISANG mananaya sa Nueva Ecija ang nanalo ng P114.3 milyong jackpot prize ng MegaLotto 6/45 sa bola noong Disyembre 23.

Ayon sa Philippine Charity Sweepstakes Office (PCSO) isa lang ang nakakuha ng winning number combination na 11-21-01-12-17-03.

Ang nanalo ay tumaya sa bayan ng Santo Domingo.

Samantala, nanalo naman ng tig-P32,000 ang 183 mananaya na nakakuha ng limang lumabas na numero.

Tig-P1,000 naman ang tinamaan ng 6,106 mananaya na nakaapat na numero at tig-P30 naman ang tinamaan ng 79,259 mananaya na nakatatlong numero.