ARESTADO ang isang babae na siya umanong tumanggap ng package na naglalaman ng ecstasy tablet na nagkakahalaga ng P8.55 milyon sa Laguna.

Isinagawa ng Bureau of Customs-Port of Ninoy Aquino International Airport (BOC NAIA), Philippine Drug Enforcement Agency (PDEA), at NAIA Inter-Agency Drug Interdiction Task Group (NAIA IADITG) ang controlled delivery operation noong Disyembre 21.

Nahuli ang 23-anyos na suspek na gumamit umano ng pekeng ID para makuha ang package sa Brgy. Dita sa Santa Rosa, Laguna.

Ang package ay galing umano sa France. Naglalaman ito ng anim na stuffed toy kung saan nakatago ang 5,032 pink tablets ng ecstasy.