NAGDALA ng ayuda ang Office of the Vice President-Disaster Operations Center (OVP-DOC) sa mga binaha sa Zamboanga City.

Inihatid ng OVP-DOC ang mga relief pack sa tulong ng Western Mindanao Command, Marine Batallion Landing Team 11, 74th Infantry Batallion, OVP Zamboanga Satellite Office, at Social Welfare and Development Office of Zamboanga City.

Ang mga relief pack ay may lamang tubig, sanitary item, sleeping mat, kumot, kulambo, at face mask.

Ang mga hinatiran ng tulong noong Linggo ay ang mga nasa Barangay Putik, Cabuluay, Culianan, Pasolobong at Boalan. Kinabukasan naman ng madala ang mga relief box sa Barangay Tumaga.

Ayon sa lokal na pamahalaan ng Zamboanga City mahigit 400 residente ang nasa mga evacuation center ng lungsod.