HINDI inaasahan ng Bureau of Fisheries and Aquatic Resources (BFAR) na magkakaroon ng malawakang kakapusan sa suplay ng isda dahil sa oil spill sa Oriental Mindoro.

Pero ayon kay BFAR spokesperson Nazario Briguera posibleng mabawasan ang fish production sa Oriental Mindoro.

Ayon kay Briguera mayroong mga hakbang na ginagawa ang ahensya upang matulungan ang mga mangingisdang hindi makapangisda dahil sa oil spill.

Mayroon din umanong sapat na suplay ng isda para sa paparating na Mahal na Araw kung kailan tumataas ang demand nito.

Natapos na rin umano ang closed fish season kaya inaasahan na maraming isda ang mahuhuli.