AABOT sa 100 pamilya ang naabo ang bahay at dalawang fire volunteer ang nasugatan sa sunog na lumamon sa mahigit 50 kabahayan noong Linggo sa Paranaque City.

Nagsimula ang sunog dakong alas-7:29 ng gabi sa bahay ng pamilya Ecawat sa Sitio Fatima Valley 6, Brgy. San Isidro.

Umabot sa ikaapat na alarma ang sunog sa loob lang ng isang oras at naapula dakong ala-1:00 na ng madaling araw ng Lunes.

Kinilala naman ni Paranaque Fire Marshal F/SSupt Eddie Tanawan ang mga nasugatang fire volunteer na sina Stanalirol Gallemit, 20, at John Carlo Erea, 25, miyembro ng San Isidro Volunteer.

Aabot sa P500,000 ang halaga ng naabong ari-arian, ayon sa mga firefighters.

Pansamantala namang nanunuluyan sa covered court ng Brgy. San Isidro ang mga nasunugan.