Just In

Calendar

April 2025
M T W T F S S
 123456
78910111213
14151617181920
21222324252627
282930  

2 suspek na tulak huli sa Laguna, P340K shabu nakumpiska

Hector Lawas Dec 14, 2024
93 Views

NAKUMPISKA ang P340,000 na halaga ng shabu at 2 baril sa dalawang hinihinalang tulak ng ilegal na droga sa buy-bust noong Biyernes sa Sta. Cruz, Laguna.

Ayon sa Sta. Cruz police, may basbas ng Philippine Drug Enforcement Agency ang buy-bust dakong alas-4:30 ng umaga sa Sitio Maunawain, Brgy. Duhat, Sta. Cruz, Laguna.

Nadampot sa operasyon ang mga suspek na sina Alyas Toto at alyas Jeff, ayon kay Laguna Provincial police director P/Col. Gauvin Mel Unos

Umaabot sa 50 gramo ng shabu ang nasamsam sa dalawa na may standard price na P340,000.

Nasamsam din ang caliber .38 pistol, 5 live ammunitions, isang caliber .45 pistol, sling bag at itim na Chevrolet Optra.

Paglabag sa Dangerous Drug Act at illegal possession of firearms ang isasampang kaso ng pulisya sa dalawang suspek na nakapiit sa Sta. Cruz police.