PUMANAW na si dating congressman at Subic Bay Metropolitan Authority (SBMA) Chairman and Administrator Felicito Payumo noong Linggo sa Hong Kong sa edad na 88.

Ipinanganak noong March 7, 1937, tubong Dinalupihan, Bataan si Payumo o mas kilala sa palayaw na Tong.

Matagal siyang naging congressman sa Bataan first district hanggang naging chairman Subic Bay Freeport mula 1998 hanggang 2004.

Si Payumo ang founder at chairman ng University of Nueva Caceres–Bataan (UNC-B) na kanyang itinayo kasam ni Atty. Federico C. Pascual.

Siya ay dating presidente ng Engineering Equipment Inc., at may MBA mula Harvard Business School at BS in Economics sa Ateneo de Manila University.