ALIAGA, Nueva Ecija–Inaresto noong Lunes ang isang barangay councilor dahil sa mga pag-aari niyang hindi lisensyadong baril at mga bala sa Brgy. Betes ng bayang ito.

Ayon sa Criminal Investigation and Detection Group-3 chief P/Col. Grant Gollod, councilor ng nasabing barangay ang 55-anyos na suspek.

Nakumpiska mula sa suspek ang isang .45 pistol, isang magazine assembly para sa cal .45, limang bala ng .45 caliber at itim na footsack.

Sinabi ni P/Col. Gollod na mahaharap sa kasong paglabag sa RA 10591 (Comprehensive Firearms and Ammunition Regulation Act) ang suspek.