BIGO ang mga agents ng Philippine National Police-Criminal Investigation and Detection Group (PNP-CIDG) at National Bureau of Investigation na maaresto ang tatlong sa pinaniniwalaang sangkot sa P300 million flood control mess sa Oriental Mindoro noong Biyernes sa isang hotel sa Pasay.

Ang mga target maaresto–Anthony Li Ngo, Noel Yap Cao at Consuelo Dayto Ado–na pawang mga miyembro ng Board of Directors ng Sunwest Construction Development Corp–wala sa Midas Hotel na sinasabing pag-aari ng nasabing construction firm.

“Unfortunately, wala sila dito but based on the information that we received yesterday is dito itinago and dito sila nag-cover as one of the employees,” sabi ni PNP-CIDG National Capital Region Office chief Colonel John Guiagui.

“We have utilized more than 100 to include ‘yung NBI to cover the 10 floors of the hotel and naging smooth naman ang pag-implement natin. We have searched room by room, floor by floor and unfortunately, wala tayong nakita,” dagdag ng colonel.

Sa kabila ng palapak na arrest attempt, sinabi ni Col. Guiagui na hindi sila titigil sa paghahanap.

“Itong Sunwest na ito wala pang nahuhuli ni isa pa sa kanila. Alam naman natin yung iba dito is nasa ibang bansa, but itong tatlo na nandito, ‘yun ‘yung hinahanap natin.

But rest assured, ‘yung effort pa rin natin kahit ‘yung nasa labas ng bansa ay tuloy-tuloy,” tiniyak ng opisyal.

Siyam na sa 16 suspects sa maanomalyang flood control project ang natiklo na pero malabong mahanap ang itinuturong lider na si resigned Ako Bicol Rep. Zaldy Co.

Hinahanap at aarestuhin pa sina Co, Department of Public Works and Highways materials engineer Timojen Sacar, Sunwest president at board chair Aderman Alcazar, treasurer and board member Cesar Buenaventura, Aldon, Cao at Ngo.

Noong Martes, naaresto ng PNP-CIDG at Aviation Security Group officers si DPWH 4-B officer-in-charge-Chief Planning and Design Montrexis Tamayo.

Lahat ng 16 sasampahan ng kasong malversation thru falsification under Article 217 of the Revised Penal Code.

Dinala agad si Tamayo sa PNP-CIDG headquarters sa Camp Crame for processing at saka dinala sa Sandiganbayan.

Ayon kay DILG Secretary JonVic Remulla, nasa New Zealand o US sina Alcazar at Buenaventura.

“To those who plan on helping them hide, remember that you will also be held accountable somehow. Sa lahat po ng magkukupkop sa mga me kaso ay magkakakaso din. ‘Yan po ang instruction ng ating Pangulo,” sabi ng DILG chief.

Naaresto na sina Dennis Pelo Abagon, the officer-in-charge-chief of the DPWH 4-B Quality Assurance and Hydrology Division and regular member of the Bids and Awards Committee; DPWH 4-B Regional Director Gerald A. Pacanan; DPWH Region 4-B Assistant Regional Director and now DPWH Bureau of Maintenance director Gene Ryan Alurin Altea;

Assistant Regional Director Ruben delos Santos Santos Jr.; DPWH 4-B Construction Division chief Dominic Gregorio Serrano; DPWH 4-B Maintenance Division chief Juliet Cabungan Calvo; Project Engineer III Felisardo Sevare Casuno; at DPWH 4-B Bids and Awards Committee Account 4 officer Lerma Dotado Cayco.

“We will carry out our mandate professionally, transparently, and in accordance with the rule of law. The PNP will continue to pursue all those with outstanding warrants until these orders of the court are executed,” sabi ni PNP acting chief Lt. Gen. Jose Melencio Nartataez Jr.