CAMP OLIVAS, San Fernando, Pampanga–Naaresto ng mga operatiba ng Criminal Investigation and Detection Group Regional Field Unit 3 (CIDG RFU 3) ang dalawang suspek sa pagtutulak ng ilegal na droga at pagnanakaw sa Central Luzon.

Unang nahuli si si alyas Dawang, 39, dahil sa paglabag sa Comprehensive Dangerous Drugs Act of 2002 o RA 9165.

Inaresto si alyas Dawang sa bisa ng arrest warrant galing sa Regional Trial Court, Third Judicial Region, Branch 113, Concepcion, Tarlac.

Inaresto naman ng mga operatiba ng CIDG RFU3 si alyas Licup, 36, para sa dalawang kaso ng pagnanakaw sa Macapagal Village, Brgy. Sapangbato, Angeles City, Pampanga.