LABING-ISANG labi ang na-recover sa nagpapatuloy na search and rescue (SAR) operations sa katubigang sakop ng Baluk-Baluk Island, Basilan nitong Enero 29.

Bukod sa mga ahensya ng gobyerno at pribadong sektor, aktibong tumulong sa SAR operation ang mga residente, mangingisda, at mga kapamilya ng mga nawawalang indibidwal.

Ayon kay Noemie Cayabyab, tagapagsalita ng Philippine Coast Guard (PCG), ang mga labi ay dumaraan na sa retrieval procedure sa pangunguna ng Provincial Disaster Risk Reduction and Management Office Basilan upang matukoy ang kanilang pagkakakilanlan at maipaalam ito sa mga naiwang mahal sa buhay.

Samantala, nagpapatuloy pa rin ang imbestigasyon upang matiyak ang kabuuang bilang ng mga sakay ng lumubog na MV Trisha Kerstin 3.