KAMPO HENERAL MALVAR, Batangas–Timbog noong Lunes sa mga awtoridad ang dalawang lalaki na suspek sa kasong panghahalay sa Tanauan at Rosario, Batangas, ayon kay Batangas police director P/Col. Marlon Rufo.

Ang unang akusado ay nakilalang si alyas Mark, 45, na inaresto ng Tanauan police batay sa warrant of arrest para sa four counts ng rape.

Walang inirekomendang piyansa para sa pansamantalang paglaya ng suspek.

Inaresto ang isa pang akusado ng dalawang counts ng rape na si alyas Rico, 22, ng mga tauhan ng Rosario police kasama ang mga miyembro ng RIU 4A-PIT Batangas.

Gumamit ang mga awtoridad ng mga alternatibong recording devices sa pag-aresto sa mga suspek.