KAMPO HENERAL MALVAR, Batangas–Nadakma noong Biyernes ng mga pulis ang tricycle driver dahil sa pag-iingat ng baril at shabu sa Brgy. San Juan, Malvar, Batangas.

Ang suspek, ayon kay Batangas police chief P/Col. Marlon Rufo ay 37-anyos na si alyas Jose, na inaresto ng mga tauhan ng Malvar police sa bisa ng search warrant na inisyu ng presiding judge ng Fourth Judicial Region, Branch 66 ng Tanauan City, Batangas.

Narekober sa suspek ang cal .38 revolver, anim na bala at shabu.

Naipaalam sa suspek ang kanyang mga karapatang konstitusyonal at kasalukuyang nasa kustodiya ng Malvar police para sa pagsasampa ng kaso sa tanggapan ng piskal ng Batangas.