LIGTAS na dumating sa bansa Sabado, Mayo 9, 2026, sa Ninoy Aquino International Airport (NAIA) Terminal 3 sa Pasay City ang 28 OFWs kasama ang 14 nilang dependents mula Abu Dhabi.

Agad silang sinalubong ng mga kawani ng Department of Migrant Workers (DMW), Overseas Workers Welfare Administration (OWWA), Department of Social Welfare and Development (DSWD), at medical team ng Manila International Airport Authority (MIAA), katuwang ang New NAIA Infrastructure Corporation upang maghatid ng financial assistance, temporary accommodation, at transportation.

Patuloy na pinatitibay ng administrasyon ni Pangulong Ferdinand R. Marcos Jr. ang whole-of-government approach upang tiyakin ang kaligtasan, kapakanan, at reintegration ng mga OFW sa Gitnang Silangan.