HINILING ng Office of the Solicitor General (OSG) sa Korte Suprema na ibasura ang mga mosyon ni Sen. Ronald dela Rosa kaugnay ng kanyang petisyon laban sa posibleng pag-aksyon ng pamahalaan sa warrant of arrest mula sa International Criminal Court (ICC).

Sa inihain nitong komento sa G.R. No. 278747, sinabi ng OSG na kulang umano sa merito ang “Urgent Manifestation with Omnibus Motion” at “Extremely Urgent Supplemental Manifestation with Motion” ng senador.

Ayon pa sa dokumento, iginiit ng OSG na dapat manaig ang rule of law at papanagutin ang sinumang sasailalim sa legal na proseso.