SISIMULANG repasuhin ni Sen. Pia S. Cayetano ang mga usaping nai-refer sa Senate Blue Ribbon Committee.

Nagpasalamat si Cayetano sa Senate leadership sa tiwalang ibinigay sa kanya.

“I thank the Senate leadership for the trust and confidence placed in me once again designating me as the Chairperson of the Blue Ribbon Committee. I do not take it lightly,” sinabi ni Cayetano.

Ang Blue Ribbon Committee o Committee on Accountability of Public Officers and Investigations ay tumatalakay sa mga imbestigasyong may kinalaman sa mga alegasyon ng maling gawain sa gobyerno, kabilang ang mga usaping nire-refer dito ng Senado.

Tutukuyin ng komite ang mga dapat unahin batay sa ilang isyung nakaaapekto sa mga Pilipino, kabilang ang nagpapatuloy na energy crisis, hirap ng mga pamilya sa gastusin, at pagtaas ng gastos sa pagnenegosyo.

“Given the many ongoing issues affecting our country and our people, including the ongoing energy crisis, households struggling to make ends meet, and the rising cost of doing business, I will determine what matters will be prioritized by the Blue Ribbon Committee,” sinabi niya.

Ayon kay Cayetano, magbibigay siya ng mga update tungkol sa trabaho ng komite sa takdang panahon.