HINDI pinababayaan ng mga miyembro ng Kamara de Representantes ang mga legislative work nito habang tutok sa impeachment trial ni Vice President Sara Duterte, ayon kay House committee on higher and technical education chairman Jude Acidre.

“I know that the country is facing so many challenges at the moment…Alam natin na maraming problem ang bansa natin, at hindi po naman nagkukulang ang Kongreso,” sinabi ni Acidre.

Katunayan, pinagbotohan na sa Kamara ang Kalinga Act na inakda nina Speaker Faustino “Bojie” G. Dy III at Majority Leader at Ilocos Norte Rep. Ferdinand Alexander “Sandro” A. Marcos.

“We’ve made sure that we have a strong legislative action framework on how to respond to emergencies. Eto po ay nagpapakita na ang Kongreso ay hindi lang po tayo nakatutok sa mas maingay na aspeto ng kalagayan ng bansa natin katulad ng impeachment, pero hindi po natin napapabayaan din ang kabuuang tungkulin natin na maglingkod sa bayan,” pahayag ni Acidre.

“I think it is a good indication of how the House of Representatives takes seriously its role not only in the impeachment trial but also in the overall task of governance. Parehong kailangang gawin, parehong kailangang bigyan ng atensyon, bigyan ng effort kasi in the end, ang taong-bayan din naman ang kailangan nating i-fulfill ang obligasyon natin sa kanila,” saad pa ni Acidre.

Para kay Acidre, walang kapantay ang pagkakaroon ng accountability ng lahat ng government officials.

“In the scale of things, naniniwala tayo na ang accountability is very essential to the quality of governance that we have in the country. Kung hindi natin kayang panagutin ang mga nasa kapangyarihan, eh magiging mahirap na mapapanagot namin sa quality of governance, sa delivery of service,” sabi niya.