SWAK sa rehas na bakal ang driver dahil sa kasong acts of lasciviousness na nahuli sa Interior 2 Nijaga St., Brgy. 67, Tondo Manila noong Huwebes.

Nakilala ang suspek na si alyas Jomar, ayon kay Police Lieutenant Colonel Rommel Anicete, commander ng Manila Police District-Baseco Police Station.

Nahuli siya bandang alas-5:30 ng hapon sa pangunguna ni P/Lt. Apolonio Ellao sa bisa ng arrest warrant na inisyu ni Judge Sherwin Peter Pulayan, Presiding Judge ng National Capital Judicial Region, Branch 1 sa Manila.

May inirekomendang piyansa na P36,000 para sa kanyang pansamantalang paglaya.