NAGKAROON ng content creation seminar ang Laguna Public Information Office (PIO) sa ilalim ni PIO chief Danilo Lucas noong Biyernes.

Ginanap sa capitol compound ang seminar, katuwang ang Provincial Human Resource Management Office (PHRMO) at Management Systems Information Office (MISO) sa suporta ni Gob. Sol Aragones.

Dinaluhan ito nina Assistant Provincial Administrator Carina Macalos, Provincial Chief of Staff Director Ronald Barcena, Laguna Youth Patrollers President Bryan Guarnes at mga bagong itinalagang Social Media Action Officers (SMAOs).

Layunin ng seminar na mapalakas ang kaalaman at kasanayan sa pagbuo ng malikhaing nilalaman, pamamahala ng social media at responsable at wastong paghahatid ng impormasyon sa publiko.