IBAAN, BATANGAS — Swak sa selda noong Linggo ang pitong lalaki na nahuli sa aktong nagsasabong ng gagamba sa Brgy. Pangao ng bayang ito.

Tagumpay ang magkasanib na operasyon ng Ibaan police at Batangas Provincial Intelligence Unit at nahuli ang mga suspek na sina alyas Joseph, 36; Jerome, 33; James, 29; Jaypee, 38; Jayson, 43; at Adrian, 23.

Nahaharap ang pito sa kasong paglabag sa Presidential Decree 1602 o batas laban sa ilegal na pagsusugal.

Nakumpiska ng mga awtoridad ang 25 na buhay na gagamba, 11 paletang kawayan, P1,500 na perang pusta, timbangan, notebook at score sheet.

Kasalukuyang nakapiit ang mga suspek sa pasilidad ng Ibaan police para sa kaukulang proseso at paghahain ng kaso.