ROSARIO, BATANGAS–Sa rehas na bakal ang bagsak ng lalaki na sinalakay ng mga pulis ang bahay at nakuhanan ng baril at shabu sa sa Brgy. Namuco sa bayang ito noong Biyernes, ayon kay Batangas police director PCol. Oliver Ebora.

Bitbit ang search warrant mula sa Tanauan City Regional Trial Court, naaresto ang suspek na si alyas Jake, 45, at nakuhanan ng walong sachet ng pinaghihinalaang shabu at isang .38 caliber revolver na may tatlong bala.

Naganap ang pag-aresto sa harap ng mga opisyal ng barangay at media.

Kasalukuyan nang nakakulong ang suspek at nahaharap sa mga kasong paglabag sa Comprehensive Dangerous Drugs Act (RA 9165) at Comprehensive Firearms and Ammunition Regulation Act.